Një stjuardesë e “British Airways” u arrestua nga policia pasi kapiteni i avionit që fluturonte nga Gran Canaria për në aeroportin e Gatwick dhe alarmin se ajo ishte e dehur dhe e droguar ndërsa avioni ishte në ajër.
Oficerët nga Policia e Sussex hipën në avion kur ai u ul në aeroportin Gatwick të enjten pasdite.
Piloti i “Airbus A320” lajmëroi se gruaja nuk ishte “në gjendje të përshtatshme për të punuar” teksa avioni ishte në ajër. Raportohet se 41-vjeçarja ka dështuar në testin e alkomatografisë pasi është përballur me policinë.
Një burim i tha The Sun se kolegëve iu kërkua të ndihmonin policinë pasi ajo u arrestua dhe kishin frikë se ajo ishte nën ndikimin e drogës.
“Piloti e pa vetë se anëtari i ekuipazhit nuk ishte në gjendje të aftë për të punuar dhe për t’u angazhuar me pasagjerët. Detyra e saj është të ruajë sigurinë e avionit dhe pasagjerëve të tij, dhe ajo nuk ishte në gjendje ta bënte këtë”, tha burimi.
Ndërkohë, një zëdhënës i Policisë së Sussex tha: “Oficerët arrestuan një grua 41-vjeçare rreth orës 17:50 të enjten, 26 janar, me dyshimin për kryerjen e një funksioni të aviacionit kur tejkalonte kufirin e përcaktuar për alkoolin, në kundërshtim me Aktin e Hekurudhave dhe Transportit 2003. Ajo është liruar me kusht, në pritje të hetimeve të mëtejshme.”
