Një kontroll rrugor nga policia financiare e Venecias ka çuar pas hekurave një shqiptar, pasi 300 gramë kokainë i janë gjetur në makinë.
Shqiptari ishte duke lëvizur me makinë në Mira, në drejtim të Dolos, kur u urdhërua të ndalonte për një kontroll rutinë.
Shoferi ndaloi rregullisht, por oficerët patën dyshime që në fillim për shkak të qëndrimit të tij evaziv dhe mjaft nervoz. Për këtë shkak ka nisur këqyrja e mjetit, me oficerët që zbuluan 300 gramë drogë të fshehura mirë pas sediljes së tij.
Duke pasur parasysh sasinë e kokainës së gjetur, një urdhër kontrolli u lëshua për në shtëpinë e tij.
Brenda shtëpisë së tij shqiptari fshihte edhe marihuanë të ruajtur në një qese, dhe 8 gramë të tjera kokainë të ndarë në doza gati për t’u shpërndarë. Kësaj i shtohen dhe rreth 1500 euro para cash, peshore dhe gjithçka që nevojitet për të paketuar dozat.
Në përfundim të formaliteteve rituale, shqiptari u arrestua për veprën penale “Mbajtja e lëndëve narkotike për qëllime trafiku” dhe iu caktua masa e sigurisë arrest shtëpie me urdhër të prokurorit të Venecias.
