Një informacion ka sjellë prangosjen e dy 24-vjeçareve braziliane që kishin 13 kilogram kokainë në valixhet e tyre.
Sipas Protothema, gratë nga Brazili po vinin në Greqi për të punuar si eskorta luksoze, por u arrestuan sapo zbarkuan në aeroportin “Eleftherios Venizelos”.
Siç shihet në videon përkatëse të publikuar nga ELAS, dy 24-vjeçaret që mbërritën në Athinë me një fluturim nga Brazili nëpërmjet Zyrihut e kishin fshehur drogën në një fund të dyfishtë. Përveç drogës, dy 24-vjeçareve iu konfiskuan edhe dy celularë dhe një shumë parash.
