Dy 24-vjeçare braziliane kanë ndërmarrë një mision thuajse të pmaundur për të kontrabanduar 13.6 kilogramë kokainë të pastër nga vendi i tyre për në Greqi.
Sipas Protothema ato janë arrestuar në aeroportin “Eleftherios Venizelos” të Athinës, pasi në valixhet që posedonin u zbulua lënda narkotike.
Në një video të publikuar nga policia greke shihen oficerët teksa zbulojnë kokainën në fundet e dyfishta të bagazheve të dy vajzave.
Dy 24-vjeçaret u arrestuan të enjten në mbrëmje dhe zbulimi i drogës erdhi nga një kontroll rutinë i agjentëve anti-narkotikë në kuadër të parandalimit të futjes së drogave të forta në Greqi nga vendet e Amerikës së Jugut.
