Guardia di Finanza e Bergamos dhe SPAK zbuluan sot detaje nga një mega-operacion policor për të cilin janë lëshuar 43 urdhër-arreste, 22 në Itali dhe 21 në Shqipëri.
Operacioni ka goditur një organizatë kriminale me 3 “koka” nga Durrësi, që e kishte përqendruar aktivitetin në trafikun e drogave në Bergamo, Milano, Torino por edhe vende të tjera europiane.
Nga 21 urdhër-arrestet e lëshuara nga Prokuroria e Posaçme në Shqipëri janë zbatuar aktualisht 15 prej tyre, ndërsa janë sekuestruar edhe 4 milionë euro të ardhura nga aktiviteti kriminal.
Nga hetimi i nisur që në vitin 2017 mes autoriteteve italiane dhe shqiptare për çmontimin e bandës italo-shqiptare janë sekuestruar mbi 120 kilogramë kokainë e importuar nga Holanda dhe mbi 15 kilogramë heroinë shumë të pastër, të rafinuar për t’u shpërndarë më pas tek klientët, në dy laboratorë – objekt sekuestroje – të vendosura në provincat e Kremones dhe Milanos;
Gjithashtu janë sekuestruar 129 kilogramë marihuanë dhe 92 kilogramë hashash, por edhe dy serra të krijuara brenda fermave në provincat Mantua dhe Modena.
Sakaq në videon e aksionit të publikuar nga GdF dalin edhe përgjime të bosave shqiptarë, ku një prej tyre i mëson shpërndarësit të drogës se si ta ndajë heroinën dhe kokainën ose ta përziejë atë.
BISEDA:
Bosi: Duhet të marrësh një sitë tjetër sepse kjo nuk është e mirë. Më jep pak substancën e prerjes që është aty. Sa të tillë janë këtu?
Shpërndarësi (i numëron): 7 gjithsej
Bosi: Atëherë më jep edhe një tjetër.
Shpërndarësi: Sa heroinë me sa substancë prerjeje do të përziejmë? Për shembull sa prej kësaj substancës së prerjes dhe sa prej kësaj (heroinë)?
Bosi: Avash avash, merr pjesën e përzierjes
Shpërndarësi: Këtë thesin e vogël këtu?
Bosi: Po ma kalo atë thesin e vogël, hape dhe ma kalo pak…
21 URDHER-ARRESTET:
Braniol Liço alias Branjol Liço alias Braniol Aga (Nga Durrësi)
Gernard Beu alias Gernard Liço alias Gernard Ago (Nga Durrësi)
Emirjana Beu (Nga Durrësi)
Dorian Beu (Nga Durrësi)
Syrjan Tola (Nga Durrësi)
Igli Lala alias Oltion Lala (Nga Durrësi)
Ramazan Grada (Nga Durrësi)
Florid Vukaj (Nga Malësia e Madhe)
Gjergj Zefi (Nga Durrësi)
Renato Zefi (Nga Durrësi)
Rexhep Dallupi (Nga Peqini)
Alfred Luli (Nga Tirana)
Gjergji Luli (Nga Tirana)
Saimir Prenga Nga Tirana)
Lorik Prengaj alias Fabio Prenga (Nga Tirana)
Françesko Çeçi alias Francesko Ceci (Nga Durrësi)
Ilir Duro (Nga Tirana)
Lulzim Selimi (Nga Durrësi)
Dhimitër Nina (Nga Durrësi)
Eledjo Dedej (Nga Durrësi)
Enkeleda Bakalli, e vetmja në ‘arrest shtëpie’ (Nga Durrësi)
