Persona të paidentifikuar, kanë goditur një natë më parë me armë gjahu (çifte) dy kuaj në zonën e Shelegurit, Kolonjë, ku njëri prej tyre ka ngordhur menjëherë nga plumbat e marrë.
Lajmin e ka bërë të ditur Ferma Sotira, përmes një postimi në Instagram, ndërkohë që i bëjnë thirrje autoriteteve që të zbardhin ngjarjen.
Postimi i Plotë:
Kalin tonë Balashin, e vranë ne zonen e Shelegurit me çifte persona që nuk e dinë çfarë është dashuria për kafshët, dhimbja për ne është e pa imagjinueshme. Kemi vite që me shumë sakrifica, me shpirt nëpër dhëmbë, mundohemi ta zhvillojmë turizmin, të sjellim mijëra miq në këtë zonë të bukur por dhe pothuajse të braktisur. Me qëllimin e vetëm për të ndërtuar një jetë për familjen tonë dhe për të frenuar sadopak shpopullimin e këtyre vendeve të mrekullueshme. Po bëhet çdo ditë dhe më e vështirë por ne nuk dorëzohemi kurrë. I lutemi organeve përkatëse ta zbardhin dhe dënojnë ngjarjen, por edhe juve miq tna bashkoheni, sepse kjo ngjarje kërkon dënim dhe nga opinioni publik.
