Drejtori i Agjencisë Shtetërore të Kadastrës Kuçovë, Fatmir Doksani është shkarkuar nga detyra.
Drejtori i Përgjithshëm i Agjencisë Shtetërore të Kadastrës, Artan Lame ka shkarkuar nga detyra Fatmir Doksani për disa shkelje të kryera në detyrë. Pezullimi i tij ka ndodhur menjëherë pas një mbledhjeje partie të zhvilluar në selinë e Partisë Socialiste Kuçovë pasditen e së enjtes së kaluar, mbledhje kjo që është shoqëruar me debate të shumta.
Burime e BW brenda Agjencisë Shtetërore të Kadastrën, dega Kuçovë, bëjnë me dije se shkarkimi i Doksanit erdhi ai pasi ka kryer disa shkelje gjatë ushtrimit të detyrës, duke mos ekzekutuar disa vendime gjykate të formës së prerë për regjistrimit e disa banesave e truallit në rrethin e Kuçovës.
Mësohet se Doksani ka disa ditë i pezulluar nga detyra dhe sot bashkë me urdhrin e pezullimit të tij pritet të emërohet edhe drejtori i ri që është Shkëlqim Braushi. Fatmir Doksani kishte 3-vite në drejtimin e Agjencisë Shtetërore të Kadastrës, dega Kuçovë, ndërkohë që më herët ka qenë për 2 mandate radhazi kryetari i komunës Kozare. Zëvendësuesi i tij, Shkëlqim Braushi ka punuar më parë në institucionin e KLGj-së
