Pothuajse 600 telefonata dhe mesazhe në dy muaj e gjysmë për të blerë kokainë. Ky është bilanci i përgjimeve të “Leos”, një shpërndarësi shqiptar të drogës në Cantù të Italisë, i cili ka përfunduar pas hekurave.
Telefonatat e klientëve këmbëngulës sipas media lokale e çuan drejt prangave Adrjan Xhixhabesin, i cili e ka vazhduar aktivitetin e tij prej vitesh, por ishte vendosur nën hetim vetëm muajt e fundit.
Rënia në gjurmët e aktivitetit të 45-vjeçarit shqiptar nisi nga disa kontrolle të bëra pas transfertave te klientët. Kjo çoi në rindërtimin e një rrjeti kontaktesh të zakonshme, të cilët blinin kokainë dhe marihuanë, në disa raste që nga viti 1999, pra mbi njëzet vjet.
Marrëdhëniet ishin aq të ngulitura sa Xhixhabesi kishte ruajtur emrat e tyre në telefonin e tij, duke treguar më tej rregullsinë e kërkesave për drogë që merrte.
Në listën e klientëve të tij kishte persona që blinin kokainë edhe dy herë në javë, me çmimin 40 euro për gjysmë grami, por edhe me pagesa deri në 30 ose 100 euro në të njëjtën kohë.
Klienti më besnik tha se kishte blerë marijuanë nga Xhixhabesi që nga viti 1999, duke paguar 50 euro të paktën dy herë në muaj dhe nëse llogaritet një pagesë e tij, në total shqiptari ka marrë gjithsej 15 mijë euro.
Në vend të kësaj, klientet e tij femra blinin kokainë dhe i kishin shpikur pseudonime të personalizuara si “Vighi”.
Njëra prej tyre paguante gjithsej gati 1500 euro, ndërsa një tjetër që e quante 45-vjeçarin “Arancino” dhe kishte blerë 9500 euro lëndë narkotike në tre muaj.
