Kartonët e kuq dhe të verdhë për faullet dhe shkeljet e tjera të rregullores kanë qenë një pjesë integrale e futbollit për dekada, por Portugalia ka prezantuar për të parën herë në histori një karton të bardhë.
Arbitrja Catarina Campos e nxori kartonin e bardhë në sfidën e futbollit të femrave midis Benfikës dhe Sportingut të Lisbonës, si shenjë për për të njohur dhe inkurajuar lojën e ndershme.
Pak para pjesës së parë në ndeshjen e Taca de Portugal Feminina – ekuivalenti portugez i Kupës së futbollit të femrave, arbitrja tregoi kartonin dhe mori një pritje pozitive nga turma në “Estadio da Luz”.
As equipas médicas de Benfica e Sporting receberam cartão branco após assistirem uma pessoa que se sentiu mal na bancada 👏 pic.twitter.com/ihin0FAlJF
— B24 (@B24PT) January 21, 2023
Ajo ia tregoi kartonin anëtarëve të ekipeve mjekësore të të dyja palëve, duke stimuluar kështu pritjen e ngrohtë nga tifozët.
Kartoni i bardhë është pjesë e një sërë nismash të reja në Portugali, e cila përfshin gjithashtu rritjen e kohës së ndalimit dhe zëvendësuesit, ndërsa mund të shfaqet për të njohur dhe inkurajuar lojën e ndershme dhe është krijuar për të përmirësuar vlerën etike në sport.
Benfika përfundimisht fitoi 5-0 para 15,032 tifozëve – një pjesëmarrje rekord për një ndeshje futbolli për femra në Portugali, për të kaluar në gjysmëfinale të kompeticionit.
