Një 26-vjeçar është arrestuar nga policia e Tiranës për armëmbajtje pa leje.
“Shërbimet e Forcës së Posaçme ‘Shqiponja’, në bashkëpunim me Komisariatin e Policisë Nr.3, bazuar në informacionet e siguruara nga inteligjenca informative, kanë organizuar dhe finalizuar operacionin policor të koduar ‘Gray’. Gjatë operacionit, në rrugën ‘Petrit Radovicka’, shërbimet e Policisë kanë lokalizuar dhe ndaluar automjetin me drejtues shtetasin S.D.. Gjatë kontrollit fizik, shërbimet e Policisë i kanë gjetur këtij shtetasi një armë zjarri pistoletë dhe municion luftarak, të cilat u sekuestruan në cilësinë e provës materiale”, njoftoi policia.
Në këto kushte u bë arrestimi në flagrancë i S.D., 26 vjeç, banues në Tiranë, për veprën penale “Mbajtja pa leje dhe prodhimi i armëve, armëve shpërthyese dhe i municionit”.
