Deputetja e Partisë Socialiste në Durrës, Klodiana Spahiu ka zbuluar kandidatin e të majtës për bashkinë e Durrësit në zgjedhjet lokale të 14 majit.
Spahiu tha se kandidatja e mazhorancës do të jetë kryetarja aktuale e bashkisë së Durrësit, Emiriana Sako e cila, sipas saj, ka filluar dhe fushatën duke komunikuar në takime me qytetarët.
Gazetarja: Kur do ta kemi kandidatin për Durrësin?
Deputetja Klodiana Sp\ahiu: Unë e di që ne e kemi kandidatin për Durrësin. Ne e kemi filluar punën prej kohësh.
Gazetarja: Kush është kandidati?
Klodiana Spahiu: Kandidati është kryetarja aktuale e Bashkisë së Durrësit, zonja Emiriana Sako
Gazetarja: Është e konfirmuar?
“Patjetër që është e konfirmuar! Për hir të së vërtetës ne na duket sikur kemi qenë tërë kohës në fushatë në zgjedhje pasi nuk kanë kaluar as 11 muaj nga fushata e kaluar e zgjedhjeve të marsit. Kështu që PS ka qenë e angazhuar jo vetëm për zgjedhjet e marsit, por gjatë gjithë kohës kemi qenë në kontakt me qytetarët. E vlerësoj shumë dhe kandidaturën, pasi kryetarja gjatë gjithë kësaj periudhe ka qenë shumë aktive në takimet me qytetarët”, tha Spahiu për Euronews Albania.
