Policia britanike në qytetin e Sheffield ka bastisur një banesë të konvertuar në fermë të sofistikuar në prodhimin e kanabisit, në të cilën janë arrestuar dy shtetas shqiptarë.
Sipas YourkshreLive, oficerët e South Yorkshire gjetën rreth 100 bimë kanabisi teksa ekzekutuan një urdhër kontrolli në Wincobank të hënën, më 16 janar.
Dy shqiptarët e arrestuar janë në paraburgim dhe pritet të procedohen penalisht.
Duke e përshkruar zbulimin e fermës së kanabisit si “e hëna e gjelbër”, një zëdhënës i policisë së Yorkshire tha: “Nuk është e hëna blu sot në Wincobank, por e hëna e gjelbër. Oficerët kanë ekzekutuar një urdhër në bazë të dyshimeve për rritje të drogës në Wincobank dhe kanë gjetur një banesë ku kultivoheshin mbi 100 bimë kanabis”.
Policia ka publikuar edhe pamje nga vendi i ngjarjes, ku shihen mjetet e përdorura prej tyre për të hedhur në tokë derën e shtëpisë e gjithashtu një dhomë ku rriten bimë kanabisi. Nuk mungojnë as imazhet e kanabisit të përpunuar e të tharë, që është paketuar.
