Dhuna në familje ka shënuar një tjetër rast në Durrës, ku një 63-vjeçar ka goditur bashkëshorten dhe djalin e tij të mitur.
“Specialistët për Hetimin e Krimeve të Komisariatit të Policisë Durrës arrestuan në flagrancë shtetasin M. N., 63 vjeç, banues në Durrës, pasi ka ushtruar dhunë ndaj bashkëshortes së tij dhe djalit të tyre 17-vjeçar”, njofton policia.
Edhe në Lushnje është regjistruar një rast i ngjashëm dhe policia ka vënë në pranga kryefamiljarin 45-vjeccar.
“Specialistët për Hetimin e Krimeve të Komisariatit të Policisë Lushnjë arrestuan në flagrancë shtetasin G. L., 45 vjeç, banues në Lushnjë, pasi ka ushtruar dhunë ndaj bashkëshortes së tij dhe djalit të tyre të mitur”, thuhet në njoftim.
