Jamahal Hill është kampioni i ri i UFC në peshën “light heavyweight”, pasi dominoi 43 vjeçarin Glover Teixeira. Amerikani 31-vjeçar dhuroi performancën më të bukur të karrierës së tij duke regjistruar një ndeshje ku ishte njeriu absolut dhe më dominues në kafaz.
Në ndeshjen e zhvilluar në arenën e Rio de Janeiro, kampioni vendas që u largua përfundimisht nga sporti, u kërkoi tifozëve të mos hidhnin sende të forta në drejtim të amerikanit.
Ndeshja mori një drejtim pa kthim për Teixeira i cili tregoi shenja lodhjeje në raundin e dytë ndërsa në të tretin dhe të katërtin u dësh ndërhyrja e doktorit për të kontrolluar situatën.
Në fund të 5 raundeve, gjyqtarët vendosën 50-44 në favor të Hill që e meritoi tërësisht suksesin.
