Detaje të reja kanë dalë në dritë mbi aksidentin tragjik që ndodhi në provincën e Pesaro Urbinos të Italisë dhe i mori jetën 22-vjeçarit shqiptar, Petrit Jashari.
Futbollisti i ri mëoshet se ka humbur kontrollin e kamionit me të cilin po udhëtonte drejt Cantianos dhe nga përplasja me barrierat mbrojtëse ka dalë nga kabina e makinës duke përfunduar në lumin Burano.
Jashari ka gjetur vdekjen e menjëhershme në vendngjarje. Sakaq mësohet se ai jetonte në Magione me familjen dhe ishte i punësuar në kompaninë e babait të tij.
Bëhet fjalë për një kompani transporti me seli në Magione, specializuar në dërgesat në supermarkete.
Ai njihej edhe si futbollist, pasi kishte luajtur si portier në radhët e të rinjve të Gubbio, Siena dhe Arezzo.
