Një operacion i autoriteteve spanjolle 80 milje në lindje të ishujve Kanarie ka çuar në sekuestrimin e 4 mijë e 500 kilogramëve kokainë dhe arrestimin e 15 anëtarëve të ekuipazhit.
Droga është gjetur në një anije mallrash të quajtur “Blume” që mbante flamurin e shtetit afrikan të Togos, ndërsa mes anëtarëve të ekuipazhit që kanë rënë në pranga janë 2 shqiptarë dhe 13 pakistanezë.
Interceptado un carguero con 4.500 kilos de #cocaína al este de #Canarias y detenidos sus 15 tripulantes.https://t.co/7VdZOpDxFx pic.twitter.com/n39bmyR6JY
— Guardia Civil 🇪🇸 (@guardiacivil) January 20, 2023
Ajo që zbuloi trafikantët, ishte fakti se anija e mallrave ishte ngarkuar me 200 ton kafe të deklaruara, sasi kjo shumë më e vogël në krahasim me kapacitetin normal të saj.
Kjo tërhoqi vëmendjen e autoriteteve të cilat më pas nisën kontrollin e imtësishëm të mjetit lundrues.
Ky operacion, i drejtuar dhe i koordinuar nga Prokuroria Kundër Drogës në Gjykatën Kombëtare, i shtohet atyre të kryera deri më sot në të ashtuquajturën “Rruga e Atlantikut” të kokainës.
Kjo rrugë është e njohur për përdorim nga anijet e peshkimit, tregtarët dhe transportuesit e mallrave të ardhur nga Amerika e Jugut, të cilat transportojnë substanca narkotike përmes Atlantikut për në kontinentin evropian.
