Reshjet e borës nisën gjatë natës dhe e mbuluan Llogaranë.
Borëpastrueset nisën punën për hapjen e rrugëve dhe kanë hedhur kripë për të mos krijuar probleme në qarkullimin e mjeteve.
Gjithashtu, reshjet e dendura të dëborës kanë bërë që të bllokohet Rruga e Arbrit, bypass-in Qafë Murrizë.
Policia bën apel që drejtuesit e mjeteve që shkojnë në drejtim të Tiranës të përdorin rrugën alternative, aksin rrugor Klos-Burrel-Ulëz.
Po ashtu Policia i bën apel të gjithë drejtuesve të mjeteve që të tregojnë kujdes të shtuar në drejtimin e mjetit, të shmangin lëvizjet e panevojshme dhe të moderojnë shpejtësinë dhe të mos bëjnë manovra të rrezikshme në rrugë.
