54.9% e shqiptarëve mendojnë se një pensionist mund të bëj një jetë cilësore në vendin tonë me 30.000 lekë në muaj.
Ndërkohë 17.3% e shqiptarëve mendojnë të kundërtën që me 30.000 lekë në muaj nuk mund të bëjnë një jetë cilësore. Ndërsa 27.8% janë neutral. Këto kanë qenë përgjigjet e shqiptarëve të cilët janë pyetur nga Barometri në Euronews Albania.
Të ndarë sipas grupmoshës ata që mendojnë se të moshuarit mund të bëjnë jetë cilësore me 30.000 lekë janë 59.6% të grupmoshës 25-34 vjeç, 59.1% të grupmoshës 65-75 vjeç, 58.6% të grupmoshës 45-54 vjeç, 54.4% të grupmoshës 35-44 vjeç, 52.4% të grupmoshës 55-64 vjeç dhe 43.8% të grupmoshës 18-24 vjeç.
Tek ata që mendojnë se pensionistët mund të bëjnë jetë cilësore me 30.000 lekë 61.6% janë me të ardhura të ulëta dhe të mesme, 60.3% janë me të ardhura mesatarisht të larta dhe 42.7% me të ardhura të larta.
