Zbulimi shkoues që besohet të jetë i lidhur me kartelin e pamëshirshëm “Jalisco Neë Generation”, një nga kartelet më të dhunshme në vend, u bë javën e kaluar pas arrestimit të nëntë anëtarëve të dyshuar të kartelit.
Policët u drejtuan nga të dyshuarit në një magazinë industriale të kthyer në klub nate në Tenango del Valle, rreth një orë larg nga Mexico City.
Zbulimi i mbetjeve erdhi pasi policisë iu desh të përdorte një eksvator kantieri për të thyer dyshemenë e klubit në lagjen “La Joya”.
Hetuesit e tmerruar zbuluan një varr masiv sekret nën dysheme me pjesë të ndryshme trupi të njerëzve që mendohet t’i përkasin të paktën 20 personave.
“Gjithsej 47 thasë të mbushur me mbetje njerëzore u morën për ekzaminim mjeko-ligjor”, njoftuan mediat lokale.
Numri i saktë i viktimave dhe identiteti i tyre mbetet i panjohur, por në vend u gjetën veshje për burra dhe gra.
Policia u çua në një numër vendesh të ndryshme, duke përfshirë edhe një magazinë në Tenango del Valle.
Sakaq, në mesin e të arrestuarve është lideri i supozuar i kartelit, Jaime Luis ‘El Pozolero’ – i cili akuzohet për rrëmbimin e një gruaje në Tenancingo vitin e kaluar.
Policët sekuestruan gjithashtu një numër armësh zjarri dhe jelek antiplumb.
Zyra e Prokurorit Publik ka thënë se gjetja është e çuditshme, pasi CJNG është kryesisht aktive në shtetet Jalisco, Michoacan, Guanajuato dhe Zacatecas.
Shteti i Meksikës, megjithatë, është terreni i kartelit rival La Familia Michoacana.
Ka spekulime se CJNG u zhvendos pasi konfrontimet me autoritetet në shtetin e Meksikës e lanë “La Familia Michoacana” të dobësuar ose të dy kartelet kanë rënë dakord për një pakt mossulmimi mes tyre.
