Identifikohet gruaja e cila u gjet e pajetë në lumin Shkumbin këtë të Mërkurë. Viktima është një 50-vjeçare me iniciale S.D., banuese në lagjen “Emin Matraxhiu”, Elbasan.
Ajo u gjet e pajetë në fshatin Mjekës, në rrjedhën e lumit Shkumbin. “Dyshohet se është mbytur”, njoftoi policia.
Sipas të njëjtave burime, për 50-vjeçaren ka bërë kallëzim në Polici vëllai i saj, i cili ka deklaruar se S.D. është larguar nga banesa. Gjithashtu, sipas deklarimit të tij, 50-vjeçarja vuante nga epilepsia.
Grupi hetimor po punon për sqarimin e plotë të rrethanave të ngjarjes, mbyllet njoftimit.
