Kartëmonedhat e falsifikuara po identifikohen gjithnjë e shpesh, por duket se edhe po zhduken nga tregu. Të dhënat, sipas “Euronews”, se në vitin 2021 kishte 5.4 kartëmonedha false për 1 milion prerje, ndërsa një vit më vonë ky numër zbriti në raportin 2.2 copë për 1 milion prerje.
“Të dhënat e fundit tregojnë një rënie të konsiderueshme të numrit të kartëmonedhave të falsifikuara në qarkullim, ku për vitin 2022 numri total është vetëm 343 copë,”- tha guvernatori i Bankës së Shqipërisë, Gent Sejko.
Duket se elementet e shtuar të sigurisë në kartëmonedhat e reja dhe forcimi i ligjit kanë çuar edhe në uljen e numrit të prodhuesve apo përdoruesve të tyre.
