Katër shqiptarë që ishin shndërruar në “tmerrin” e binzeseve në Athinë janë vënë në pranga pasi akuzohen se janë pjesë e një bande grabitësish.
Të arrestuarit e kësaj organizate janë Indrit Arifai (20 vjeç), Mario Hoxha (19 vjeç), Adi Kala (33 vjeç) si edhe Altin Mustafaj (24 vjeç).
Sakaq në kërkim është shpallur 20-vjeçari Armando Roko.
Ndërkohë bëhet me dije se në bashkëpunim me njëri-tjetrin këta persona kanë kryer një sërë grabitjesh në Athinë.
Ata u shkonin dyqaneve duke u prezantuar si pjesëtarë të një kompanie që merreshin me lyerjen e xhamave dhe zakonisht parkonin larg subjektit ku do të kryenin grabitjen.
Deri tani janë zbuluar 36 grabitje në Athinë, ndërsa operacioni për arrestimin e tyre u zhvillua më 10 janar.
