Partia Demokratike Lezhë feston 32-vjetorin e themelimit të saj, ndërkohë i pranishëm në këtë përvjetor ishte dhe Sekretari i përgjithshëm i PD, Flamur Noka. Gjatë fjalës së tij, numri dy i PD-se theksoi se Lezha është qyteti i cili i bashkon shqiptarët dhe këtu tha ai e ka zanafilla vlera më e rrallë që kanë sot shqiptarët, siç është besa dhe fisnikëria.
Ai gjithashtu falënderoi të gjithë ata persona, të cilat kanë dhenë kontribut për rithemelimin e PD, ndërsa tha se ky moment ishte po aq i gëzuar saç ishte themelimi i saj në vitet 1990.
”Qyteti i Lezhës është qyteti i dijes dhe kulturës dhe është qyteti ku ka lindur fjala më e madhe që kanë sot shqiptarët, besa. Unë dua të shpreh mirënjohje të veçantë, që para një viti vendosën rithemelimin e PD, dhe dua t’ju them se rithemelimi është po aq sinjifikativ saç ishte themelimi në 1990. Ne ecëm 30 vite së bashku dhe jemi krenarë që qe jemi demokratë, sepse sot Shqipëria në çdo hap dhe në çdo arritje të saj ka vulën e PD, ka kontributin e demokratëve të saj. Ne jemi krenarë që jemi demokratë ndryshe nga rilindja përballë, sepse ne i sollëm shqiptarëve demokracinë, sepse ne futëm Shqipërinë në OSBE, sepse në anëtarësuam Shqipërinë në Këshillin e Evropës, e anëtarësuam Shqipërinë në NATO, liberalizuam vizat dhe ndërtuam të gjithë infrastrukturën e Shqipërisë”, tha Noka.
