Një granatë e pashpërthyer është hequr nga gjoksi i një ushtari ukrainas.
Sipas mediave të huaja, imazhet para dhe pas të publikuara nga shërbimi mjekësor i forcave të armatosura të Ukrainës tregojnë pajisjen afër zemrës së ushtarakut dhe një tjetër të kirurgut që mban pajisjen e lyer me gjak.
Aty është thënë se dy ushtarë ndihmuan për të mbikëqyrur operacionin për t’u siguruar që ai të kryhej në mënyrë të sigurt, duke shtuar se ushtari i plagosur tani po shërohet.
Siç është bërë e ditur më tej, operacioni u krye pa përdorimin e një metode të zakonshme për të ndihmuar në kontrollimin e gjakderdhjes gjatë operacionit – sepse “municioni mund të shpërthejë në çdo kohë”.
Ndërkohë është thënë se pajisja ishte një granatë VOG – një copë municionesh 4 cm e gjatë, e cila gjuhet nga një granatëhedhës dhe mund të udhëtojë rreth 400 metra, dhe është projektuar të shpërthejë pak mbi tokë.
Operacioni u krye nga gjeneralmajor Andrii Verba, i përshkruar si “një nga kirurgët më me përvojë” të forcave të armatosura të Ukrainës.
Nuk dihet se kur është kryer operacioni dhe ku ka mbetur i plagosur ushtari, ndonëse postimi është publikuar të hënën.
Pothuajse 11 muaj pasi Rusia nisi agresionin e saj vdekjeprurës, luftimet në lindje të vendit vazhdojnë ndërsa forcat ukrainase përpiqen të largojnë trupat e dërguara nga Moska.
"Military surgeons led by Andriy Verba removed an unexploded VOG grenade from the body of Ukrainian serviceman
Two sappers supervised the operation to ensure the safety of the medical staff. VOG grenade is usually fired from under-barrel grenade launcher https://t.co/KKK3azZBB8 pic.twitter.com/Wt1b5sZSpM
— Euromaidan Press (@EuromaidanPress) January 9, 2023
