Imam Ahmed Kalaja ka bërë një postim në rrjetet e tij sociale, duke mbështetur vëllezërit Andrew dhe Tristan Tate që akuzohen për shfrytëzim vajzash.
Ajo që i ka marrë vëmendjen imamit ka qenë libri i Kuranit që ka pasur në dorë, njëri nga dy vëllezërit e arrestuar.
“Zot ruaje e mbroje habibin! Amin!,”-shkruan Ahmet Kalaja.
Vëllezërit Tate, po përballen me gjykim në Rumani, ku dhe akuzohen si pjesë e një rrjeti që trafikon vajza me qëllim prostitucionin.
Ata u arrestuan në vilën e tyre në Bukuresht të Rumanisë. Dyshja u zbuluan pasi mes vajzave që kishin marr peng dhe mbanin 24 orë të vëzhguara në vilë, ishte dhe një amerikane.
E reja arriti të kontaktonte me të dashurin e saj përmes një celulari që gjeti në shtëpi dhe ishte ai personi që dha alarmin në ambasadën amerikane.
Ambasada vuri në lëvizje institucionet që bastisën vilën e vëllezërve Tate dhe i vunë të dy në pranga.
