Djali i “El Chapo”, Ovidio Guzman sipas raportimeve të fundit të mediave është tradhtuar nga aleati i ngushtë i familjes, Mayo Zambada, i cili njihet edhe si krahu i djathtë i të atit.
Zambada syhohet se u ka rrëfyer vendndodhjen sekrete të Ovidios zyrtarëve të ushtrisë meksikane, të cilët më pas ndërhynë për ta arrestuar.
Në disa regjistrime audio të mbledhura nga një transmetim i dyshuar i radios dëgjohet se Mayo Zambada “shet” djalin e “El Chapo”, pavarësisht raportit që ka pasur me babain e tij.
Regjistrimi që përfshin bosin e drogës është realizuar disa ditë përpara arrestimit të Guzman më 5 janar.
Anëtarët e kartelit Sinaloa thuhet se kanë shpërndarë skedarët audio, të cilët dyshohet se përmbajnë komunikimin e Zambadës me ushtrinë, dhe ai dëgjohet duke thënë: “Të gjithë duhet të shpejtojnë dreqin. Kam nevojë për një grup të fortë. Ejani drejt nesh. Hyni përmes Tamarindo, dilni nga La Campana, drejt Jesus Maria”.
Zëri në regjistrimin audio mbetet për t’u konfirmuar, por një numër përdoruesish në mediat sociale me sa duket kanë konfirmuar se bëhet fjalë për “El Nini”.
I njohur ndryshe si Néstor Isidro García, Nini thuhet se ka marrë pjesë në përpjekjet për të liruar Ovidion në të kaluarën, megjithëse arrestimi i djalit të El Chapo ka shkaktuar një valë masive krimi që ka parë dhjetëra anëtarë të kartelit dhe ushtarë të vrarë.
Një tjetër audio në lidhje me incidentin kishte një zë që fliste për një “rastësi” me shfaqjen e një helikopteri në vendndodhjen e Ovidios.
“Askush nuk e dinte vendndodhjen e Los Chapitos – vetëm njerëzit e Sombreros [njerëzit e Mayos] e dinin. Çfarë rastësie që helikopteri u shfaq duke gjuajtur larg, duke i sulmuar të gjithë”, thuhet në regjistrimin tjetër.
