Nënkryetari i Partisë së Lirisë, Petrit Vasili me anë të një postimi në FB, ka ngritur shqetësimin e shërbimeve që marrin qytetarët për trajtimin e ujërave të ndotura.
Vasili thotë se shifrat janë shokuese, duke theksuar se mungesa e përpunimit te ujerave te ndotura rrit dukshëm rreziqet për shëndetin publik.
“Vetëm 15% e popullsisë së Shqipërisë merr shërbim nga impiantet për trajtimin e Ujërave të Ndotura! Shifra vërtet shokuese !! Mungesa e perpunimit te ujrave te ndotura rrit dukshem rreziqet per shendetin publik ne teresi dhe ate individual ne veçanti.
Ekspozimi ndaj ujrave te ndotura kompromenton shume komponente te jetes, te shendetit, te ushqimeve, te zhvillimit te femijeve e te shendetit te te moshuarve si kontigjentet me nje vulnerabilitet me te larte fiziologjik”, shkruan Vasili.
Kjo qeveri plaçkitësish, thekson Vasili, erdhi dhe po ikën pa çuar asnjë pune te vetme deri ne fund.
“Pra jane te gjithe qartesisht te rrezikuar. Sipas Entit Rregullator të Ujit:
vetëm 15% e popullsisë së Shqipërisë merr shërbim nga impiantet për trajtimin e ujërave të ndotura!
shërbimi i “grumbullimit e largimit të ujërave të ndotura” ofrohet nga 53 shoqëri.
ndërsa përpunimi i tyre arrihet të kryhet vetëm nëpërmjet 8 (tetë) impianteve të ndërtuara.
ndër të cilat vetëm 5 (pesë) prej tyre janë të pajisur me licencë nga ERRU, ndërsa 3 (tre) prej tyre ende nuk plotësojnë kërkesat ligjore për licencim për këtë kategori shërbimi.
Pra realisht mbi 90% e impianteve nuk jane te licensuar per perpunimin e ujrave te ndotura.
Pra mbi 85% e popullates eshte e ekspozuar ndaj ujrave te ndotur bartes te nje sere ndotesish kimike, biologjike etj.
Kjo qeveri plaçkitësish erdhi dhe po iken pa cuar asnje pune te vetme deri ne fund”, vazhdon ai.
Vasili shton se: Dhe te mendosh qe ne vitin 2023 vetem 15% e popullates merr sherbime per perpunimin e ujrave te ndotura ky eshte kulmi. Dhe te mendosh se sa shume e demton turizmin nje fakt i tille kaq i rende! Te vetmet ” pune” qe kreu me shume devotshmeri Edi Rama dhe qeveria ishin vjedhja, rritja katastrofike e borxhit, shpopullimi masiv dhe pastrimi i parave.
