Detaje të reja kanë dalë në dritë nga grabitja e rreth 700 mijë eurove para cash dhe bizhuterish në banesën e zyrtares së AMF-së, Alda Klosi, e cila ka qenë më parë ish-shefe e kabintetit të Arben Ahmetajt dhe këshilltare në Kryeministri.
Sipas fashikujve hetimorë, i akuzuari për grabitjen Havier Dobi ka rrëfyer hap pas hapi mënyrën si ai dhe nëna e tij, pastruesja Rozeta Dobi vodhën banesën e zyrtares që ndodhet te pallati “Orion” në rrugën e “Kosovarëve”.
Ai ka treguar se më 15 dhjetor në mëngjes ka shkuar te Rruga e Kosovarëve për të marrë nënën e tij, e cila ka hipur në makinë duke mbajtur një çantë shkolle “Adidas” në krah. Sipas 23-vjeçarit aty ndodheshin të gjitha paratë dhe sendet me vlerë që u grabitën, me të cilat, Havieri deklaron se ka blerë edhe 2 makina “Mercedes Benz”.
DOSJA:
I është marrë deklarim të dyshuarit Havier Dobi i cili ka deklaruar se, në datën 15.12.2022 rreth orës 09:00 ai ka shkuar me makinën e tij Mercedes- benz ngjyrë gri me targa AA390VT së bashku me mamanë e tij tek Rruga e ”Kosovarëve” pasi mamaja e tij punonte si sanitare tek një banesë në komleksin Orion. Pasi kanë vajtur në Rrugën e ”Kosovarëve” ka parkuar makinën dhe ka qëndruar rreth 20 minuta brenda në makinë. Më pas ka zbritur nga makina dhe ka vajtur tek hyrja e pallatit për të parë vendin që i kishte thënë mamaja e tij dhe më pas është kthyer përsëri në makinë.
Nga aty pak minuta më pas ka dalë mamaja nga makina dhe ka shkuar te banesa ku ajo pastronte. Ka qëndruar rreth 10-të minuta dhe pasi ka dalë me vete ka patur një çantë shkolle “Adidas” ku ka hipur në makinë dhe kanë zbritur në lagjen ku ata banojnë. Në momentin që kanë arritur te lagja ka vënë re se mamaja e tij ka nxjerrë nga çanta një kasafortë dhe e ka hedhur te koshat e plehrave. Disa ditë më vonë mamaja i ka treguar një shumë parashë me prerje 500, 200 eurosh, me prerje 100 dollarësh dhe 50-tëshe lekë, ku i ka sqaruar se këto lekë ajo i kishte marrë te banesa te Rruga e ”Kosovarëve” tek banesa ku ajo punonte si sanitare.
Deklaron se me një pjesë të këtyre parave kishte blerë dy makina tip Mercedes Benz. Njëra ngjyra e bardhë me targa AA907LZ ndërsa tjetra ngjyrë e zezë me targa AC055HD.
