Spartak Dobi, bashkëshorti i Rozeta Dobit e cila është arrestuar për vjedhjen e shumave të majme nga banesa të zyrtarëve të lartë në të cilat punonte si pastruese, ka treguar se çfarë di ai lidhur me ngjarjen.
Në një intervistë për “News24” ai ka zbuluar detaje nga takimi me të birin Havier Dobi në qelitë e paraburgimit, duke nënvizuar se e ka gjetur në gjendje të rënduar psikologjike.
Sipas babait të Havierit, 23-vjeçari ishte mërzitur shumë për faktin se e ëma Rozeta nuk kishte pranuar fajin e vetme, për t’i hapur atij rrugën që të nxirrte nga burgu.
“I kërkoj shtetit dhe i lutem qeverisë dhe Ramës që djalin ta lirojnë me kusht, se atë djalë kam, s’kam njeri. Djali kishte ra në çimento, koka në çimento, se i vjen inat që pse nëna e vet nuk e mori përsipër fajin, asgjë s’më tha. Paratë i kishte fshehur gruaja, djali s’ka ditur asgjë. Kemi dalë ne dhe ajo e shfrytëzoi. Dua vetëm të më lirojnë djalin me kusht”, u shpreh ai.
Spartak Dobi gjithashtu pranoi se nuk ka pasur komunikim me bashkëshorten e tij që nga momenti i arrestimit të saj. Për më tepër ai e bën pastruesen e kthyer në grabitëse, fajtore për situatën në të cilën gjendet aktualisht familja e tij.
“Me bashkëshorten nuk fola, iku. Si flet djalit të vet! Gruaja… po ca kujdesej ajo për djalin, po të donte e kishte nxjerr djalin jashtë, do dënohej 5 o 7 vjet. Djalit po mos i jepte pare, si do i blinte makinat. Ti ku i gjete lekët”, tha ai.
