Një 19-vjeçar nga Kosova është vënë në pranga nga policia në portin e Durrësit pasi ka tentuar të kalojë kufirin me destinacion Italinë, duke përdorur një dokument të falsifikuar.
Autoritetet portuale bëjnë me dije se është ndaluar i riu me inicialet E. H., banues në Kosovë.
Njoftimi i policisë:
Port Durrës/Kontrolle të shtuara për parandalimin dhe goditjen e paligjshmërive në kufi.
Arrestohet në flagrancë një shtetas kosovar, pasi tentoi të kalonte kufirin drejt Italisë, me dokumente false.
Shërbimet e PKK Port Durrës, në kuadër të masave të marra për parandalimin dhe goditjen e paligjshmërive në kufi, kanë ushtruar kontrolle të imtësishme me pajisje dedektuese bashkëkohore ndaj shtetasve dhe mjeteve që kalojnë në port.
-Si rezultat, në dalje, shërbimet e Policisë Kufitare të portit të Durrësit kanë goditur një rast të tentativës për kalim të kufirit me dokumente të falsifikuara, dhe në përfundim të veprimeve të kryera në bashkëpunim me specialistët për Hetimin e Krimeve Ekonomiko-Financiare të DVP Durrës, arrestuan në flagrancë shtetasin E. H., 19 vjeç, banues në Kosovë.
Materialet i kaluan Prokurorisë, për veprime të mëtejshme.
