Mbështetësit e ish-presidentit brazilian të ekstremit të djathtë Jair Bolsonaro kanë sulmuar Kongresin dhe policia ka përdorur gaz lotsjellës në një përpjekje për t’i zmbrapsur ata.
Skenat dramatike erdhën një javë pas inaugurimit të veteranit të krahut të majtë Luiz Inácio Lula da Silva.
Mbështetësit e Bolsonaro – të cilët refuzojnë të pranojnë se ai humbi zgjedhjet – thyen barrierat dhe hynë në ndërtesën në kryeqytetin, Brasília, ka raportuar BBC, transmeton Express.
Protestuesit – të cilët thyen xhamat e ndërtesës – kishin ngritur kamp aty pranë.
Z. da Silva – i njohur më mirë si Lula – mundi Jair Bolsonaro në zgjedhjet e tetorit.
Në fjalimin e tij të inaugurimit, Lula u zotua të rindërtojë një vend në “rrënoja të tmerrshme”.
Ai dënoi politikat e paraardhësit të tij, i cili shkoi në SHBA për të shmangur ceremoninë e dorëzimit
