Autoritetet meksikane kanë arrestuar djalin e mbretit famëkeq të drogës “El Chapo”, duke bërë që të shpërthejë dhuna në rrugët e shtetit të Sinaloas në very-perëndim të vendit.
Mediat lokale pretendojnë se arrestimi i Ovidio Guzmán-López ndodhi në qytetin Culiacán në shtetin e Sinaloas gjatë natës.
Ai mendohet të jetë një anëtar i rangut të lartë për kartelin Sinaloa, një nga organizatat më të mëdha të trafikut të drogës në botë.
Në qytet janë raportuar të shtëna me armë dhe sulme me bombë në makina.
🚨 ¡A BALAZOS! Hombres buscaron evitar traslado de hijo del Chapo
Con quema de vehículos y una balacera, un grupo de hombres buscaría evitar el traslado a Ciudad de México de Ovidio Guzmán, hijo de Joaquín “El Chapo” Guzmán, recapturado este jueves.pic.twitter.com/mkx51AXI5w
— ImpactoVenezuela (@ImpactoVE) January 5, 2023
Kryebashkiaku Juan de Dios Gamez konfirmoi në Twitter se forcat e armatosura federale kanë kryer një operacion në Culiacán që nga agimi i së enjtes dhe se kjo ka nxitur dhunën në qytet dhe pjesë të tjera të shtetit.
“U kërkojmë qytetarëve të Culiacán-it të mos largohen nga shtëpia për shkak të bllokadave që kanë ndodhur në pjesë të ndryshme të qytetit”, tha ai.
Raportohet se aeroporti lokal është mbyllur përkohësisht dhe organi i qeverisjes vendore që mbikëqyr arsimin njoftoi në mediat sociale se “mësimdhënia dhe aktivitetet e tjera administrative” ishin pezulluar në Culiacán.
Forcat meksikane të sigurisë kishin arrestuar më parë Guzmán-López në vitin 2019, por e liruan atë për të shmangur kërcënimin për dhunë në pjesën më të madhe të Meksikës nga mbështetësit e tij.
Departamenti Amerikan i Shtetit pretendon se ai dhe vëllai i tij, Joaquín, janë aktualisht duke mbikëqyrur afërsisht njëmbëdhjetë laboratorë metamfetamine në shtetin e Sinaloa, duke prodhuar rreth 1,300-2,200 kg (3000-5000 lb) të drogës në muaj.
Ata kanë thënë gjithashtu se informacionet tregojnë se Guzmán-López urdhëroi vrasjen e informatorëve, një trafikant droge dhe një këngëtari të njohur meksikan që kishte refuzuar të këndonte në dasmën e tij.
✈️ ¡Por segunda vez!
Así trasladaron a Ciudad de México a Ovidio Guzmán alias “el Ratón”, hijo de Joaquín Guzmán “el Chapo” tras su detención este #5Ene por fuerzas federales en Culiacán.
📽️: @noticierista
Amplíe 👇https://t.co/tS8422hWR3 pic.twitter.com/45RGu8SbkL
— ImpactoVenezuela (@ImpactoVE) January 5, 2023
Në dhjetor, SHBA njoftoi një shpërblim deri në 5 milion dollarë për informacione që mund te çonin në arrestimin e Ovidios dhe tre vëllezërve të tij, të cilët mendohet se kanë mbajtur pozicionet e tyre komanduese në kartelin e famshem.
Ndërkohë babai i tyre po vuan dënimin me burgim të përjetshëm në SHBA pasi u shpall fajtor në vitin 2019 për trafik droge dhe pastrim parash.
