Dy anëtarë të një bande, njëri prej të cilëve shqiptar janë dënuar me burg nga autoritetet britanike.
BBC raporton se 27-vjeçari Andi Alushi (nga Shqipëria) dhe 39-vjeçari Valdemaras Kasinskas nga Lituania u arrestuan në muajin maj, pasi mbanin peng dy persona në një shtëpi në Sheffield, duke i trajtuar ata në mënyrë çnjerëzore.
“Viktimat”, të cilët ishin shqiptarë u filmuan duke ngrënë në disa tasa qensh, për një periudhë 10 ditore, ndërsa i mbanin të lidhur me zinxhirë.
Alushi dhe Kasinskas u dënuan sot me 14 vjet e gjashtë muaj burg në Gjykatën e Lartë në Sheffield.
Dyshja u arrestuan pasi policia bastisi një shtëpi në rrugën Firth Park në qytet dhe gjeti dy shqiptarët e keqtrajtuar.
Sipas autoriteteve britanike dy të dënuarit u bënin presion shqiptarëve dhe i shantazhonin për të marrë para nga familjarët e tyre në Shqipëri.
E gjitha kjo ndodhi pasi personat që mbaheshin peng fajësoheshin për gjetjen e një magazine me kanabis.
Hetimet nisën pasi Kasinskas u mburr në rrjetet sociale se do të tronditej nga përmbajtja e videove të tij. Shoku i tij nga Lituania në krahun tjetër të telefonit e denoncoi rastin në polici. Të dy personat u arrestuan dhe ndaj tyre u ngritën akuza.
