Deputeti i PD-së, Belind Këlliçi, ka vizituar në ditën e fundit të vitit, familjen e adoleshentit Ardit Gjoklaj, që vdiq në rrethana të tmerrshme në landfill vdekje për të cilën kryebashkiaku i Tiranës, Erion Veliaj, bëri gjithçka që të shmangte përgjegjësinë.
Këlliçi shkoi në këtë familje të përjashtuar nga vëmendja e shtetit bashkë me premtimin që nuk e ka harruar:
“Në ditën e fundit të vitit një vizitë në familjen Gjoklaj. Në kujtim të Arditit që pak i jetoi kësaj bote, – shkroi ai. – Ju që keni togën e zezë, bëni drejtësi për shpirtin e tij, për prindërit e tij të brengosur! Një premtim më ka dalë nga zemra. Ia kam thënë prindërve dhe familjes së tij. Ajo që është nisur për t’u bërë, do të bëhet! E kam dhënë fjalën”, ka theksuar në përfundim, deputeti demokrat.
Belind Këlliçi ndërkohë është zgjedhur nga demokratët e Tiranës për t’u përballur në zgjedhjet lokale me socialistin Erion Veliaj, në betejën elektorale për bashkinë më të rëndësishme të vendit.
