Pushimi i parë i gjatë për Francesco Totti dhe Noemi Bocchi. Ndërkohë që Ilary Blasi është me pushime në Tajlandë me partnerin e saj të ri Bastian, ish-kapiteni i Romës, me fëmijët dhe të dashurën e tij kanë fluturuar drejt Miami nga Fiumicino.
Më tej, pas disa ditësh qëndrimi në SHBA, grupi do të zhvendoset në Karaibe dhe do të kthehet në Romë për rreth dhjetë ditë.
Pas pushimeve, me fillimin e vitit të ri, Totti dhe Ilary Blasi do të duhet të përballen me ndarjen, por edhe me padinë për çantat dhe orët Rolex.
Avokatët përkatës janë në punë, larg vëmendjes, për të shmangur ndarjen gjyqësore dhe për të arritur një marrëveshje konsensuale. E vështirë, por jo e pamundur.
Ndarja mes Francesco Totti dhe Ilary Blasi, pas 20 vitesh së bashku, vazhdon të bëjë që njerëzit të flasin. Për të treguar versionin e saj ka menduar Greta Scarano, aktorja që e ka mveshur rolin e prezantueses së “Mediaset” në serialin për “Pupone”.
Nga ana tjetër, Scarano kaloi shumë kohë me Ilary dhe ish-bashkëshortin e saj. E pyetur nga “Il Messaggero” nëse do ta kishte imagjinuar se dasma përrallore mund të përfundonte, ajo u përgjigj kështu:
“Sinqerisht jo. Sidoqoftë unë jam një person privat, mendoj se është punë e tyre. Luajta një histori të madhe dashurie mes tyre, siç ishte gjëja e duhur për të bërë në atë kohë, dhe tani më vjen keq që ka mbaruar”.
