Një shqiptar në Alessandria të Italisë është vënë në pranga në mënyrë të paprecedentë.
Duke mos menduar asnjëherë që e “keqja” do t’i vinte nga një sherr midis tij dhe bashkëshortes, shqiptari u arrestua menjëherë pas një debati me të, pasi fqinjët lajmëruan karabinierët për zhurma që vinin nga shtëpia e tyre.
Karabinierët ndërhynë në banesën që ndodhej në rrugën “Palazzina” pasi mosmarrëveshjet midis çiftit shqiptar ishin bërë mjaft të zhurmshme, por menjëherë sapo panë fenelinat burri dhe gruaja tentuan të arratiseshin.
Sipas mediave lokale ata u ngjitën në çati për t’iu shmangur arrestimit, ndërsa pas kontrolleve rezultoi se për burrin e shtëpisë qëndronte në fuqi një urdhër-arresti për drogë.
Ngjarja ka ndodhur mbrëmjen e së mërkurës, kur në selinë e Karabinierëve erdhi denoncimi për një sherr brenda një apartamenti.
Në vendngjarje ndërhyrë edhe zjarrfikësit, ndërsa çiftit të shqiptarëve nuk u mbeti gjë tjetër veçse të rizbrisnin.
Burri i cili përdorte edhe një tjetër identitet u dërgua në burg nga autoritetet.
