Një operacion policor i kryer mbrëmjen e djeshme në Fermo të Italisë, nga karabinierët e zonës ka çuar pas hekurave një 43-vjeçar shqiptar, që rezultonte në kërkim për trafik të lëndëve narkotike.
Ditën e djeshme, forcat e policisë ranë në gjurmët e shqiptarit të lindur në vitin 1979, i cili rezulton edhe i dënuar më parë.
Operacioni erdhi për ekzekutimin e një urdhri burgosje të lëshuar nga Prokuroria Publike pranë Gjykatës së Apelit të Perugias.
43-vjeçari shqiptar do duhet të vuajë dënimin me 11 vite, 4 muaj e 27 ditë burg për veprën penale të mbajtjes së lëndëve narkotike me qëllim shpërndarjen e tyre.
Prokuroria ka prova që ai ka shpërndarë drogë në Canosa di Puglia dhe Amandola nga viti 2009 në 2020.
