Një makinë është djegur mbrëmjen e kësaj të enjtë në autostradën Fier-Vlorë, pranë zonës së Panajasë.
Flakët që kanë përpirë mjetin kanë qenë të përmasave të mëdha, ndërsa reja e tymit ka pushtuar zonën.
Djegia e automjetit ka shkaktuar edhe trafik të rënduar, ndërsa fatmirësisht nuk ka pasur persona të lënduar.
Siç raportohet shkak për shkrubimin e mjetit është bërë një defekt teknik.
“Sot, rreth orës 22:30, në autostradën Vlorë-Fier, në afërsi të fshatit Panaja, një automjet me drejtues shtetasin Xh. K., ka marr flakë, në ecje, dyshohet aksidentalisht si pasojë e një difekti teknik, ku ka vetëm deme materiale. Grupi hetimor ndodhet në vendngjarje dhe po punon për zbardhjen e plotë të ngjarjes“, thuhet në njoftimin e policisë për ngjarjen.
