Kreu i Listës Serbe, Goran Rakiç, tha se përfaqësuesit e serbëve nga Kosova dhe Metohia kanë biseduar me presidentin e Serbisë, Aleksandar Vuçiç dhe se prej tij kanë dëgjuar lajmin për lirimin e serbëve të arrestuar, si dhe mendimin e tij se do të ishte mirë të hiqeshin barrikadat.
“Pas këtij takimi do të bisedojmë me njerëzit tanë në Kosovë dhe Metohi. Kemi marrë lajme të rëndësishme për lirimin e Pantiqit, Nedeljkoviqit dhe personave të tjerë të arrestuar. Kemi lexuar garancitë e BE-së dhe SHBA-së se nuk do të ketë arrestime të njerëzve duke marrë pjesë në protestat paqësore të shkaktuara nga terrori i Kurtit. Kemi marrë garanci të reja nga KFOR-i se nuk do të ketë dislokim të forcave të sigurisë së Kosovës në veri të Kosovës”, tha ai.
Rakiq tha se presidenti i Serbisë mendon se është mirë që të hiqen barrikadat.
“Ne nuk kemi besim në qeverinë e Kurtit. Mund të them se nuk u besojmë as garancive ndërkombëtare. I bëjmë thirrje presidentit Vuçiq të dëgjojë përfaqësuesit e popullit në barrikada. Ne do të vijmë tek ai me kërkesa të sakta. Ne i besojmë vetëm atij”, shpjegoi Rakiç.
Ai ka thënë se serbët e dinë se Vuççq po pëson shumë presion, por ata që marrin pjesë drejtpërdrejt në protestë po i kërkojnë garanci, sepse vetëm atij i besojnë.
“Ne kemi kërkesa që do t’i përcjellim. President, ne vetëm ju besojmë, na duhen garancitë tuaja”, ka përfunduar Rakiç.
