Një 17-vjeçar shqiptar, i cili akuzohet se ka qenë autori kryesor i përdhunimit të një të mituri (15 vjeç) në Ilion të Greqisë, ka pranuar të vetëdorëzohet në polici.
Adoleshenti dyshohet se është autori kryesor i përdhunimit dhe ka qenë në dijeni që të miturit e tjerë po regjistronin abuzimet e vazhdueshme me 15-vjeçarin.
Prokuroria gjithashtu dyshon se 17-vjeçari shqiptar posedon pamje të abuzimeve me të miturin.
Ka qenë avokati i tij që është paraqitur pranë autoriteteve dhe ka deklaruar se klienti i tij ndodhet në Greqi, ndërsa pritet të paraqiten në polici deri të premten.
Më herët për rastin policia ka arrestuar pesë nga tetë të akuzuarit për rastin e abuzimit me të miturin, të cilët janë pothuajse në të njëjtën moshë me viktimën.
Ditën e djeshme dy të mitur të tjerë u lanë në burg. Hetuesi për të Miturit vendosi se dy të arrestuarit , të cilët të shtunën kishin kërkuar dhe kishin marrë afat për të kërkuar falje, t’iu caktohej masa e paraburgimit.
Ndërkohë një prej anëtarëve të grupit u lirua pasi u vu në pranga pasi është nën moshën 15-vjeçare.
Në të njëjtën kohë, bëhet e ditur se katër vajza – të cilat viktima i ka identifikuar si vëzhguese të përdhunimit të tij – do të dëshmojnë në polici pas Vitit të Ri.
