Një 24-vjeçare, anëtare e ekuipazhit të kabinës së Air Albania, besohet se ka vdekur pasi ka humbur ndjenjat gjatë një fluturimi për në aeroportin Stansted.
Lajmi është konfimuar nga shërbimi i Ambulancës Lindore të Anglisë, të cilët pretenduan se gruaja u sëmur rëndë në bordin e shërbimit nga Tirana, raporton media lokale Bishop’s Stortford.
Avioni u ul në pistë rreth orës 13:00 të së mërkurës më 21 dhjetor siç ishte planifikuar. Edhe pse shërbimi i ambulancës e dërgoi të renë me urgjencë në spitalin Princess Alexandra në Harloë, mësohet se ajo nuk ka shpëtuar.
Një zëdhënës i policisë së Essex tha: “Ne mbështetëm kolegët tanë në Manchester Airports Group dhe shërbimin e ambulancës në Aeroportin Stansted pasi u thirrëm për një shqetësim.”
“Indie” ka kontaktuar me Air Albania për detaje të mëtejshme, por nuk ka marrë përgjigje, shkruan media britanike.
