Futbolli anglez është në zi për ndarjen nga jeta në moshën 83-vjeçare të ish-futbollistit të kombëtares, Xhorxh Kohen.
Fituesi i Kupës së Botës në vitin 1966 me përfaqësuesen e “Tre Luanëve”, ishte një nga tre të mbijetuarit e fundit të 11-shes titullarë, së bashku me Bobi Çarltonin dhe Xhof Hwrst. Shkaqet e ndarjes nga jeta të ish-mbrojtësit nuk dihen ende. Për këtë reagoi ish-klubi i tij Fulhemi dhe gjithashtu ‘Sir’ Xhof Hwrst.
Klubi londinez shkruan: “Të gjithë në klubin e Fulhem janë të dëshpëruar për lajmin e hidhur që ka ndërruar jetë një nga lojtarët tanë më të mëdhenj në histori, Xhorxh Kohen”.
“Shumë i trishtuar të dëgjoj që miku im dhe shoku im i skuadrës te Anglia, Xhorxh Kohen ka vdekur. Që të gjithë pa përjashtim, kanë thënë gjithmonë që Xhorxhi ishte një njeri i dashur. Ai do të na mungojë shumë. Ngushëllimet e mija më të përzemërta shkojnë për bashkëshorten e Xhorxhit, Dafnen dhe familjen e tij”, u shpreh Hërst.
