Të gjithë e prisnin të ndodhte, por jo në kushtet kur ushtarët ukranias janë ende duke luftuar në frontin lindor për të “shporrur” forcat ruse nga Donbasi e Luhansku, siç bën me Khersonin.
Por ja që Presidenti ukrainas Volodymyr Zelensky i befasoi të gjithë dhe udhëtimin drejt SHBA-ve e realizoi në kohën kur vendi i tij ndodhet ende në luftë dhe frika e sulmeve nga Rusia mbetet ende e lartë.
Por, si arritëm deri te udhëtimi i rëndësishëm i Zelenskyt në Amerikë dhe cilat janë detajet e operacionit të NATO-së dhe SHBA për të shmangur ndonjë sulm të mundshëm rus?!
Udhëtimi i presidentit ukrainas për të takuar Joe Biden në Uashington u krye nga Shtetet e Bashkuara, në një operacion që përfshin avionë spiunazhi të NATO-s dhe avionë luftarakë amerikanë.
Operacioni ishte i planifikuar me përpikmëri dhe siguri maksimale, ndërsa Zelensky u kthye prej kësaj vizite me miliarda dollarë ndihmë ushtarake dhe mbështetje amerikane deri në fund të luftës.
Masat e jashtëzakonshme të marra për transportimin e presidentit Zelensky nga Ukraina në kryeqytetin amerikan treguan edhe njëherë se sa vendimtare është marrëdhënia mes dy vendeve.
Pas vizitës në front në Ukrainën lindore të martën, transportimi i Zelensky për në Uashington filloi me një udhëtim nate me tren në Poloni përpara se të hipte në një aeroplan të Forcave Ajrore të SHBA, i mbështetur nga një aeroplan spiun i NATO-s dhe një avion luftarak F-15.
Më herët, një aeroplan mbikëqyrës amerikan (paralajmërues dhe kontrollues ajror) u dërgua nga baza e tij në Geilenkirchen, Gjermani, për një mision zbulimi mbi Detin e Veriut, i cili patrullohet nga nëndetëset ruse.
Lajmet për vizitën në Uashington nisën të qarkullonin në fillim të kësaj jave, por nuk u konfirmuan deri herët në mëngjesin e së mërkurës, kur zyrtarët amerikanë u ndjenë të sigurt.
Sapo Zelensky në SHBA, mbrojtjen e tij e mori përsipër Shërbimi Sekret amerikan, siç është zakon për krerëve të shteteve.
Shumë udhëheqës dhe zyrtarë perëndimorë kanë udhëtuar me tren për të vizituar Zelensky në Kiev, por kjo ishte hera e tij e parë jashtë vendit që nga fillimi i luftës në Rusi.
