Festë e degjeneruar te Kroacia. Një video në të cilën disa prej lojtarëve, me të cilëve Lovren dhe mesfushori i Interit, Marselo Brozoviç, këndonin kore neonaziste ka bërë xhiron e internetit.
Më saktë bëhej fjalë për disa vargje të grupit “Thompson”, i kryesuar nga këngëtari Marko Perkoviç, në të cilën citohet motoja “Za Dom Spremni” (i përdorur nga Ustashiat, bashkëpunëtorët e nazistëve në Luftën e Dytë Botërore), i cili është thuajse i njëjtë me “Sieg Heil”- in nazist.
Dhe për ta rënduar më shumë situatën ishte fakti se disa minuta më pas u mësua se festa dhe tekstet naziste në fjalë u kënduan pikërisht në lokalin luksoz në Zagreb të Marselo Brozoviçit.
Mesfushori mund të përballet edhe me pasoja te Interi, mediat italiane raportojnë se klubi zikaltër po vlerëson se çfarë veprimesh duhet të ndërmarrë për këtë gjest të Brozos. Nuk përjashtohet një gjobë e majme për futbollistin kroat.
