Partizani fitoi dje 0-1 me Tiranën falë golit të Xhuliano Skukës. “Demat” tanimë janë në vendin e parë të klasifikimit duke lënë me katër pikë pas bardheblutë.
Pas ndeshjes ish-mbrojtësi i Kombëtares, Andi Lila kritikoi Skukën, duke i thënë se në disa raste është pak mendjemadh.
“Skukën e kam ndjekur me vëmendje që kur ishte 18-vjeç, e ka ftuar edhe Kombëtarja, është një lojtar me cilësi jashtëzakonisht shumë të mira. Por nuk mund të rrija pa ia thënë, kam parë në disa sjellje që po tregohet pak mendjemadh“, tha Andi Lila.
Në lidhje me kritikat, Skuka i dha përgjigje ish-mbrojtësit kuqezi.
“Këto kritika i pres mirë, Andi ka një karrierë të madhe. Nuk e di për shenjat e mendjemadhësisë, nuk i kam treguar ndonjëherë. Po e kam më mirë kur më kritikojnë sesa kur më lavdërojnë”, tha Skuka.
