Sekretari i Përgjithshëm i Partisë Demokratike, Flamur Noka është përjashtuar nga seanca plenare e ditës së sotme, pasi bllokoi foltoren e Kuvendit.
Fillimisht Noka kërkoi të drejtën e fjalës por kryetarja e Kuvendit, Lindita Nikolla i komunikoi se ai është përjashtuar nga Grupi Parlamentar i PD me firmën e Enkelejd Alibeajt.
Kjo mjaftoi për të ndezur debatet në Kuvend që më pas çuan deri në vendimin e Nikollës për të përjashtuar Nokën.
Pas marrjes së vendimit për largimin e tij, së bashku me Nokën është larguar nga salla edhe një nga deputetët e tjerë demokratë që ka qëndruar pranë tij në bllokimin e foltores.
Luan Baçi, i cili u përplas edhe vetë me Alibeajn dhe Gazmend Bardhin duke i cilësuar shërbëtorë të Ramës për shkak të vendimit që kishin marrë, u pa në pamjet e LSA duke shoqëruar Nokën teksa shprehej: “Shihemi si armiq, na ka zbuar partia jonë”.
