Një 29-vjeçar shqiptar, i cili akuzohej se ka shkruar në shtrat me një vajzë të pavetëdijshme për gjendjen në të cilën ndodhej është dënuar me 7 vite burg në Britaninë e Madhe.
Mediat britanike raportojnë se Klodjan Samurri përdhunoi vajzën britanike në shtratin e saj, pasi më herët ishin takuar në një restorant-piceri në veri të Londrës në qershor të vitit të kaluar.
Viktima i tha gjykatës se kishte dalë me një grup miqsh në Holloëay më 26 qershor 2021 kur takoi Samurrin. Më tej ajo shtoi se kishte shkuar në shtrat dhe kur u zgjua pa 29-vjeçarin duke kryer marrëdhënie seksuale me të.
“Ata shkuan në shtëpi dhe kaluan pranë një restoranti italian të njohur për dy nga vajzat, ndërsa porosisnin rregullisht pica nga ai restorant. Pronari i njohur dhe ishte miqësor. I prezantoi me tre burra të tjerë, njëri prej të cilëve ishte Samurri. U ulën jashtë duke biseduar dhe pinë disa pije të tjera, një cigare, ata ishin të gjithë miqësorë”, tregoi zonja Charles.
Një nga vajzat pa Samurrin që hyri në dhomën e viktimës dhe e pyeti nëse ajo ishte mirë.
“Ajo i tha atij të mos shkonte në dhomën e gjumit të shoqes së saj sepse ajo ishte në gjumë. Iu bë e qartë se nuk duhej të hynte brenda kësaj dhome gjumi me drita të fikur dhe një grua brenda duke fjetur”, tha prokurori i çështjes.
Një nga vajzat më vonë vuri re se drita e dhomës së gjumit të viktimës ishte ndezur.
“Ajo hapi derën, hyri brenda dhe pa të pandehurin duke u ngjitur nga shtrati i paditëses. Ai ishte i veshur, por po i hiqte xhinset. E reja e pyeti shoqen e saj nëse ishte mirë dhe e pyeti Samurrin nëse kishte pasur leje të bënte seks me të dhe ai u përgjigj: “Po, po, gjithçka mire”. Më pas e nxori nga dhoma e gjumit”, rrëfeu ajo.
Sakaq, Samurri me banim në Ëalthamstoë mohoi dy akuzat për përdhunim, por sërish u dënua.
