Thonë se “nëse besoni, mundeni”. Ndonjëherë duhet të ëndërrosh që dëshira më në fund të bëhet realitet. Di Maria kishte besim. Ishte i bindur se Argjentina do ta mundte Francën në finalen e Kupës së Botës. Kështu i tha ai, Jorgelina Cardoso, gruas së tij, një ditë para takimit vendimtar në një bisedë në “WhatsApp”. Tani ajo e ka zbuluar atë bisedë në një histori në Instagram.
“Do të jem kampion bote, dashuri. Është shkruar. Dhe do të shënoj golin. Sepse është shkruar si në Maracana dhe në Wembley,”- i shkroi Di María. Një rrëfim që la gojëhapur gruan e tij: “Ai mesazh më lehtëson trupin… Nuk di çfarë dreqin të të them”.
Lojtari nga Argjentina nuk kishte dyshime dhe këmbënguli sërish në mesazhin e tij. Ai ishte i bindur se do të ngrinte Kupën e Botës. “Nuk ke pse të thuash asgjë. Shko dhe kënaqu nesër, sepse ne do të jemi kampionë bote. Sepse ne të 26-të që jemi këtu, dhe familja e secilit, e meritojmë”,– i tha Ángel, Jorgelina Cardoso, e cila iu përgjigj me një emoji duke qarë nga gëzimi.
“Ti e di sa bukur, dashuri. Nesër jemi kampionë bote. Është shkruar. E di, më fal. Është e jona, dashuri,”- vazhdoi Ángel, i cili në fund të fundit kishte të drejtë. Ai fitoi penalltinë që u shndërrua në gol nga Messi, shënoi golin e dytë për ‘Albilicestet’ kundër Francës dhe u shpall kampion bote!
Pusulla e De Paul
Mesfushori Rodrigo De Paul, kohë më parë, kishte shkruar një pusullë dhe e kishte lënë në dhomën e Lionel Messit. Në atë letër parashikohej triumfi i Albiceleste.
Rodrigo de Paul left a note in Lionel Messi’s room two months before the World Cup. pic.twitter.com/jVFbaCUl6b
— SPORTbible (@sportbible) December 19, 2022
Pusulla e shkruar nga De Paul daton në shtator, në ditët kur Argjentina ishte e angazhuar në miqësoret kundër Hondurasit dhe Xhamajkës. Ishin kohët e përgatitjes për turneun e Katarit: “Unë jam Rodrigo De Paul (7). Është 18.09.2022. E firmos këtë dokument dhe them që pas dy muajsh do të shkojmë të fitojmë Botërorin”, lexohet në shënimin e tij. Një lloj premtimi nga ish-mesfushori i Udineses për kapitenin e tij Leo Messi. Në atë kohë, pak menduan se Selecciòn do të kishte sukses në këtë sipërmarrje. Por me sa duket, Rodrigo nuk kishte asnjë dyshim për këtë.
