Një 50-vjeçar ka përfunduar në spital këtë të Mërkurë në Fier.
Policia bën me dije se ai ka qenë duke punuar si manovrator, me rul në rrugën “Dukas-Patos”, ku ka dëmtuar këmbën.
“U referuan materialet në Prokurori për vlerësim, pasi shtetasi A. G., 50 vjeç, banues në Fier, punonjës i një shoqërie private, duke punuar si manovrator, me mjet (rul), në rrugën “Dukas-Patos”, ka dëmtuar këmbën dhe për këtë shkak, po merr ndihmë mjekësore, në spital”, njofton policia.
Materialet procedurale i kaluan Prokurorisë, për veprime të mëtejshme.
