Elsa Lila është rikthyer në “Festivalin e Këngës” në RTSH për të konkurruar pas 25 vitesh që kur fitoi çmimin e parë në festivalin e vitit 1997.
Lajmi se këngëtarja do të rikthehej në këtë skenë ka qarkulluar prej javësh e më në fund Elsa në natën e dytë të festivalit ka prezantuar këngën e saj me titull “Evita”.
Këngën Elsa ia kushton të bijës, e cila quhet Evita. Evita ka qenë e pranishme në sallë dhe është emocionuar nga kënga rrëqethëse e nënës së saj. Kjo është dalja e saj publike pas shumë vitesh dhe duket qartazi që e vogla e Elsa Lilës tashmë është rritur shumë.
